من_ديوان_الحناوي
(( هجرة نبينا ))
( بشعر العامية المصرية )
*************************
هجرة إيه مش أي هجرة هجرة سيدنا الرسول *
علمتنا اللي بيجرا مهما يجرا دا ليه أصول *
شفت ربك ازاي يحفظ أنبياؤه وكل رسول *
وف هجرة نبينا دروس وكل عام نفضل نقول *
اللي ربه معاه لا يحزن ولا ييأس م المقفول * الكفار خططوا ناويين علي قتل أشرف رسول *
الكفار واقفين عالباب لو خرج قتل علي طول *
لكن ربك قال للنوم غطيهم ينجى الرسول *
مش قلت لك ياما دروس نتعلمها بشرح يطول *
جوه الغار لو بص الكافر راح يمسكهم علي طول *
لكن رحمة ربك أكبر م العادي ومن المعقول *
هوا الباقي هوا الوارث والدنيا كلها هتزول *
هوا القاضي من غير حارس والظلم عمره ما بيطول *
سيوف جيوش وكل مكان قدامهم هيروح مقفول *
دعوة ربك لازم تمضي مع ناس أصحاب عقول *
الكفار دايما فاشلين في التهديد هما مين دول ؟ *
والصديق أبدا مش خايف قد خوفه علي الرسول *
نبينا قال له اتنين تالتهم ربك محميين علي طول *
وفي المدينة الفرحة بانت والكفار باتوا ف ذهول *
طلع البدر علينا قالوا منتظرين نورك يا رسول *
أيام صعبة مرت لكن برضا الله الصعب يزول *
*****************************
بقلم أ / عبد الرحمن فتحي الحناوي .
من / مصر .
****************************
موضوع: هجره نبينا من ديوان الاديب عبد الرحمن الحناوي 
السبت أكتوبر 12, 2019 7:54 pm
