...من تراثنا...من تراثنا...من تراثنا...
عُيونك سودا سَحرتني.....عملتلي الويل
ولما تيجي تزوريني   ......غني مواويل
انت حبات عيوني     ......وعمري الطويل
بدي أعطيك همومي  ......واقعد مرتاح
...............
يا ما شفتك بتملي    .......عا نبع العين
مليتي الجرة لأمي   ........والقصة دين
الله يديمك يا عمري ........تعيشي العمرين
ونتغزل انا وانت    .........بكرم التفاح
.............
حملتيني عكفوف الراحة........والفضل كبير
لما  شفتك  بالساحة      ........زاد التفكير
كل سهامك رماحه        .........بتصيب الطير
وعم بحكي بصراحة      ........تصيب الجراح
..............
شَعراتك عم يلوحوا     ..........مثل الامواج
وسنانك حب اللولو     ..........وبلون العاج
وميتي بإيدك فوتوا    ..........دق المهباج
مين يرحب بضيوفو   ..........وما في مفتاح
..............
تحياتي....ياسين مصطفى بكري....