Zahra elblsan
المساهمات : 698 تاريخ التسجيل : 08/10/2020
| موضوع: من تراثنا من تراثنا بقلم الشاعر /ياسين مصطفى بمرى السبت يناير 16, 2021 2:07 pm | |
| *** من تراثنا * من تراثنا *** على دَلعونا جاي من بلادي والطير يغَرِد عارف إنشادي يَمة حَبيبي دَخَل فُؤادي عَم بِغَنيلي على دلعونا **************** على دلعونا شُفت الصَبية وعيونها السِحر وهي شرقية من طلوع الشَمِس تِطَلع فية تا نِدبِك سوى على دلعونا ******************* عَالنَبعة طِلعت عم بِستَناها حَبيب القَلِب يلي تمَناها مَلَت الجَرة وبديَت غُناها وبنات البلد عَمَ يرُدونا ***************** حلوة قَصِتها والشَعِر لايِح والعُطُر جوري عَخدودها فايح قالت ما بدي أعمَل فَضايِح ظَلَك يا أسمر جنبي يا عيونا ********************* يَلي غَنَيتي أحلى غِنية وعيونِك حلوة تِطلع فية غمزات عيونك ضربة ذرية دَخلَت لقلبي بشهر كانونا ****************** يمة حبيبي تغزل بعيوني وقلي يا حلوة من وين تكوني لو اني بعرف اهلك بعطوني قلبي بِحُبِك صاير مَجنونا ...بقلمي...ياسين مصطفى بكري... | |
|