اه يا زمن كداب
بقلمى منصور ابو عبدالله
اه يا عمر كله اهات
يا ايام الجاى شبه اللى فات
اه يا زمن كداب
اقفل للهم باب الاقى الف باب
اه يا ايام كلها توهه
ادى طيبتى لناس ما يستهلوها
انا العبيط وانا الطيب
انا اللى بسامح كل غريب وقريب
اه يا زمن اطرش مبيسمعشى
والطيب فيك ما ينفعشى
حن على متتكبرشى
يا تعلمنى اسكت متكلمشى
انا التايه اللى ملوش بر
واللى دمعته جواه سر
انا اللى اسطعمنى المر
وبكدب واقول انا حر
لا انا فى سجن ما اخترتوش
وبتحاسب على ذنب معملتوش
برسم الفرح ومدقتوهوش
وجرحى القديم منستهوش
اه يا زمن كداب
بقلمى منصور أبو عبدالله ...
موضوع: آه يا زمن كذاب بقلم المبدع منصور أبو عبد الله 
الأربعاء مارس 11, 2020 8:46 pm
