.....كلام بيطوح.....
كلام فى الحلق محشور
وجوه القلب محفور
وفى العقل بيلف ويدور
انا عايش بس مجبور
انظلم من القريب وعادى
ويكسر كل حبيب فؤادى
واصرخ على الفرح وانادى
وقدرى دايما واقف قصادى
كل حاجه حلوه جواى ماتت
وعيونى من البكا صرخت ونادت
اهى عيشه وخلاص هانت
وأوجاع جواى سكنت وباتت
مكسوره نفسى من حظى
والدنيا جايه على جرحى
والكلام والبكا مش مسموحلى
ايامى مش ماشيه دى بتحبى
جوه الحياه عيشه غريبه
اللى يتعب ما يلاقى نتيجه
ودمعته وياه صاحبه وحبيبه
نفسى اعرف ايه هى الخيبه
انك تنجح وتتساوى باللى منجحش
ولا تحلم كل يوم وحلمك ما يتحققش
وتشوف ظلمك بعينك ومتتكلمش
بقول الاحسن نموت ومنحلمش
اهو كلام بقوله أتنفس بيه
اصلى لسانى مش قادر عليه
امتى يا دنيا الغلبان حتنصريه
ويجى يوم مره حتحسيه
بقلمى منصور أبو عبدالله
موضوع: كلام بيطوح... بقلم منصور ابو عبد الله 
السبت ديسمبر 14, 2019 2:55 pm
