توثيق خاطرة تحت عنوان ((قول يا رب ) بقلم الشاعر#هشام محفوظ

قول يارب

أصعب أحساس تحس بيه لما
تبقى عايش وكل همك ازاى
ترضى الناس وتفرح قلوبهم
وتملا حياتهم بالمحبة والأمل
وتشوف السعادة فى عيونهم
وتسمع الضحك فى أصواتهم
وتحس بأنها ضحكة صافيه
جميلة والقلب بقى أخضر
وطرح ثماره حب وأمل
وحنان وتشوف الإبتسامة
علي وشهم وتكون شمعة
تنور طريقهم والفرح ملا
حياتهم وأنت مفيش حد
حاسس بيك يطمن عليك
يسعد قلبك وتتونس بيه
ويتملكك شعور غريب يأس
وخوف من غدر الزمان
وتحس بأنك وحيد بينهم
وتضحك قدامهم وجواك
حزن وألم ويبدأ شريط
الذكريات بعض كل إللى فات
من أيام طويلة مرة
وأوقات حلوة وتحس بالندم
والقلب يكون حزين مجروح
وعايش حلاوة روح وتبقى
عاوز تصرخ من الألم ولا
لاقى قلب ينصفك ويحس
بيك يسمع شكوتك ويمسح
دمعتك ويونس وحدتك
ويكون لك طبيب مداوي
مليش غير الله هو أعلم
بحالى هرفع الى الله
كلماتي وكل دعواتى

بقلم/ هشام محفوظ