( مالك متغير )
مالك متغير يا اجمل حبيب
احوالك تحير وطبعك غريب
اسمع كلامك وفعلك عجيب
تسافر وتبعد وتقول مش هغيب
وقلبي يشكي واقول نصيب
والقاك تغيب وتسيبني وحيد
وفي عز اشتياقي القاك بعيد
وتشوفني ملهوف وبقربي ماتفرح
واقول مايقصدش ياقلبي يجرح
ماهو انت ياقلبي اخترته قبلي
اصبر عليه واتحمل وخبي
تغيب وتقسي ومهما تقسي
وعشان بحبك عمري ما انسي
ياريتني. اروحلك لحد عندك
واعيش معاك واتهني بقربك
إنت حبيبي وبعمري شاريك
وبعمري كله ياروحي افديك
يا اقرب مني ومن روحي ليا
ياحبيبي قلبي ياغالي عليا
ياما في بعدك ياما اشتكيت
ومن ظلم الليالي ياما بكيت
وكل الاماني حنانك ياغالي
تفرحلي قلبي وتريحلي بالي
تعالي انسي هجرك وصالح
هتلاقي قلبي اللي حبك مسامح
خواطر (أشرف الدغيدي )
حقوق الملكية محفوظه