حكاية حلم
لما يجي النوم في عيني
الهدوء يبقا البدايه
حلم ساكن جوا عقلي
سنين كتيره لأنه غايه
كلنا جوانا حلم بتبني
أحلام كتير مالها نهايه
مثلا ولاد أو غنا أو تعافي
وكل واحد له روايه
أو ملهوف ل حضن دافي
وربك عالم بالنوايه
حلمي
اشوف اوطانا بسلام
لبس ثوبه الجديد
صوره الموده فيها تعم
زي ليالي العيد
بعد الصلاه الكل يتلم
وأولادنا إيد بإيد
نزيل غيوم الهم
والكل يبقا سعيد
ده يشيد وده يسلم
والقلم يكتب اسم وليد
بدل مانكتب بالدم
كل يوم اسم شهيد
الصبر مفتاح الأماني
بيه حتكمل الحكايه
من البداية للنهاية
بكلمة التوحيد
...........................
أحمد محمود حفني