Zahra elblsan
المساهمات : 698 تاريخ التسجيل : 08/10/2020
| موضوع: أحسن ناس بقلم الشاعر جمال الشرقاوى الخميس نوفمبر 05, 2020 12:37 am | |
| أحسن ناس أسد الشعر العربي ( جمال الشرقاوي ) قصيدة \ أحسن ناس \ من أشعار الشاعر \ جمال الشرقاوي \ إحنا أحسن ناس بنوفي ثم نرجع مجروحين نرجع بالعذاب بنبكي الشوك فــ قلبي نار بتشجب مليانة بالحزن و أنين ألف ميت مليون ندامة عليها ألف ألف خسارة الحب أثرَاً بعد عين و احنا أحسن ناس بنوفي إحنا أحسن ناس بنوفي بندِّي كل اللي حَدَانــَـا ندِّي م ننتظرش حاجة بس عايزين م الحبايب لو قلبهم يبقىَ معانا كل طلبنا بس منهم نظرة بسمة أو إشارة عشان نكمِّل في هوانا و احنا أحسن ناس بنوفي إحنا أحسن ناس بنوفي من غير م نحكم ع الضمير من غير م نعمل محكمة لأي معاملة مجرمة و لا بَـعـَـتــْـنــَـا الشك سفير بنعامل احنا ربنا عمر م عاملنا العباد دآ غني أو دة فقير و احنا أحسن ناس بنوفي إحنا أحسن ناس بنوفي من غير م نبُص أو نعاين يصعب علينا دمع العين لكن فــ الآخر يبقىَ خاين بندِّي للكل الأمان نفرحلهم نحزن كمان و بينا و بينهم عيش و ملح مين بس كان للعِشْـرَة صاين ؟! و احنا أحسن ناس بنوفي إحنا أحسن ناس بنوفي و بعد كدة م يرحموناش و اللي صعبوا يوم علينا إحنا عليهم م صعبناش إللي مسحنا يوم دموعهم و حضننا كان بيت رجوعهم كسرونا هجروا م قدروناش و احنا أحسن ناس بنوفي إحنا أحسن ناس بنوفي للكداب و االلئيم و المخادع كأمهات ليهم مراضع بس خدنا فوق قفانا من بعد تقليب المواجع و رجعنا يوم بإيدينا فاضية بعد ما خدنا ضربة قاضية عرفنا حبوب منع الموانع و لا عُدناش نعرف وفا فـــ قانون جديد إسمه الجفا و اللي مش عاجبه الكلام يخبط راسه فــ حيط يمانع و احنا أحسن ناس بنوفي القاهرة \ أبريل \ الجمعة 1 \ 4 \ 2016 م الساعة 6 صباحاً \ جمال الشرقاوي \ كاتب و شاعر \ | |
|