#من_ديوان_الحناوي
٦ - عن الكورونا :
بشعر العامية المصرية .
( الصحه يا وزاره بتسوء )
------------------------------
يا للي خايف م الكورونا
خليك قاعد جوه البيت
بدل ما تصرخ الحقونا
وتنادي بعلو الصوت
خليك دايما في الأمان
وابعد فورا عن الزحام
فيروس خطر ما بيبان
لكن ضرره يكلف كام
كل الناس خايفه ومرعوبه
جاري وجارك في المعطوبه
قلبنا عاللي جات له كورونا
على أحبابنا الحزن مالينا
نعمل إيه ما بيدينا حيله
وغير دعانا مالنا وسيله
دا كل عيله وكل قيبله
فيها واحد أنفاسه عليله
الصحه يا وزاره بتسوء
والمشفى دا مكان موبوء
ومعامل أحوالها تسوء
إمتى ياربي الحال هيروق !!
الإنفاق عالصحه أساسي
مش ترفيه ولا رص كراسي
المرضي امانه ف رقبتكم
واللي يهمل ياما حيقاسي
المصري طول عمره صبور
والعيشه خلاتو بيدور
زي حصان شادد حنطور
وحقه يلاقي علاج موفور
-----------------------
بقلم د / عبد الرحمن فتحي الحناوي .
من مصر .
الثلاثاء ٩ من يونيو سنة ٢٠٢٠ .
موضوع: عن الكورونا.... بقلم المبدع عبد الرحمن فتحي الحناوي 
الأربعاء يونيو 10, 2020 1:19 am
