( حضن الوجع )
فى حضن الوجع بيعيش
معاه كل شئ بيتعبنى
وكإنه واخد على نفسه
قسم وحالف انه مهيسبنى
طيب خدلك أجازه شويه
وحل عن سمايا وإرحمنى
ولا تكون مفكر حبك فى
قربك أوشئ ثابت بيكملنى
عارف أنت أيه أنت قتلت
نبضي جوايا وكدا هتهلكنى
يعنى حاله مفروضه على
كل واحد فينا ساكت وعايش
مش ترحمه وتسيبه وكفايه
عليه دنيته وظلم المعايش
وكإنك بتقول فى نفسك محدش
سائل ولا حد فيهم شايف
لأ حاسين بيك لإنك دايس بس
اللى عيشينه مخلي الكل خايف
مش كفايه صحبتك لينا
وكأنك مولود مع كل واحد فينا
تصدق ياوجع كنا مستحملين
الحزن الساكن جوانا ومالينا
وأهوا بنمشي الحال وكنا وقتها
طمعانين إن ربنا هيرضي علينا
برغم كدا ياوجع فيه ناس قاسيه
اكتر منك سرقوا النوم من عينينا
ليه ماتحاولش تعرفهم إننا
تعبنا من صغرنا وكفايه كدا لينا
ولا أنت مصدقت ساكن وسايب
الفيروس يآكل ف ناس حوالينا
أغضب وثور على كل ظالم بيقتل
خلايق جايز تكون ليهم رساله
أصرخ وقول دمرتوا بشر معهمش
تمن المصل وكفايه عليهم كفايه
بقلمى/ الشاعر محمد غبن
شاعر آل غبن
13/4/2020
موضوع: حضن الوجع بقلم المبدع محمد غبن 
الإثنين أبريل 13, 2020 5:44 pm
