زمن الكورونا
------------.
لما الكفوف
تجدل في حبل المشنقة
نُقف صفوف
مستنظرين
لحظة الإعدام
----------.
لما الوبا
يفرش جناحه بالسما
ويبقى تاج
على رؤوس كل العباد
وتنحني كل الهامات
ويترفض منا الدُعا
ويحيل ما بين كل البشر
وبين ربهم
مليون شيطان
ومليون حجاب
يبقى ساعتها أترفع فيها القلم
وإنطوت صحف الكتاب
---------.
لما الجوامع والكنايس والمعابد تتقفل
ويترفض منا السجود
ويقفلوا باب الحرم ويمنعوا فيه الصلا
وبدون قيود
وكل يوم
أمام عيون كل البشر
ملايين تموت
وينخسف ضوء الهلال
وينكسر فيها الصليب
ويرتفع تاني اليهود
يبقى لازم نتعظ
وبقلبنا لله نعود
----------.
لما يبقى عِلمنا على بعضنا
وهم وسراب
والتكنولوجيا في عصرنا
غيم وضباب
ونبقى نقطة في السما
بين السحاب
وبنفخة ممكن نندثر
وننقلب حفنة رماد
يبقى لازم نعترف بأننا
أصلاً تراب
وأننا بعقل البشر
أفسدنا تعاليم ربنا لكل العباد
وصبحنا ناكل بعضنا مثل الكلاب
فجت كورونا في عصرنا أهون عقاب
تثبت بأن عِلمنا خوف وإكتئاب
وصراع ما بين كل البشر على الفتات
فكان تدخل ربنا أحسن عقاب
وهو ده وقت الرجوع
وهو ده وقت الحساب
--------------.
شعر/ محمد توفيق
مصر-بورسعيد
موضوع: زمن الكورونا بقلم المبدع محمد توفيق 
الإثنين مارس 30, 2020 12:08 am
