كان حلم عمري بقلم الشاعر ابن الجبالي

كان حلم عمري

كان حلم عمري إني أراضيهم

غرست غصن الوفاء والحب في أراضيهم

وأحتار دليلي مش عارف أراضيهم
زرعت المحبة حصدت حقد وضغينة

ياناس أنا عمري ما كنت حقود

أرحموا قلبي يا ناس أنا مهموم

ضيعت عمري وشبابي

باقي أيه تاني

علشان أرضي غرورهم

لازم أبات مظلوم

يا ناس كفاية

زرعتم في طريقي الشوك

ومشيت عليه ولا يوم أشتكيت

سبوني في حالي

خلوني أعيش باقي عمري

أنسوني يا ناس وأبعدوا عني

كرهت عمري

وكل يوم بسأل

أمتى أموت ؟

علشان أرتاح وأكون بعيد عنكم

كان حلم عمري

أقول أحبابي

من كتر دمعي ما عدت أشوف

أرحموا قلبي وعيوني

فوضت أمري

للحي الذي لا يموت

... " إبن الجبــــــــــــالي " ...