#من_ديوان_الحناوي
(الحقيقه راحت فين )
بشعر العامية المصرية .
نعبت من جوايا ومش عارف اصدق مين *
حكايه وراها حكايه والشعب يشكي لمين *
كلام خطير كل يوم أنا وانتا بنسمعه **
والهجوم علي مصر لازم كل واحد يمنعه **
يا ساده ياللي فوق فوقوا *
وادوا الشعب بذوق حقوقوا *
يا عالم فهمونا الحقيقه راحت فين *
واوعوا تسكتونا م الضيقه بكلمتين *
زلزال خلى الفساد فضيحته رأي العين *
والشعب اللي غضبان نجيب له رد منين *
جيشنا جيش أبطال مين يعكر بس صفوه *
وكل من فيه رجال ما حدش يقرب نحوه *
لو فيه عنصر ولا اتنين *
ولا حتي كمان عشرين *
كانوا ف لحظه مش واعيين *
وانشغلوا عنه وكانوا ناسيين *
أو حاولوا يخزوا بس العين *
ما تقولش أبدا جيشنا فين **
جيشنا العظيم فخور بنفسه *
وعمر الدنيا ما سمعت حسه *
غير في شجاعته وثقته بنفسه *
وانتصاراته وشدة بأسه *
جيشنا حامي الحمى هوا اللي حامي البلد *
وحلم مصر حلمي أنا وحلمك انتا اللي اتولد *
يارب بارك في العدد *
ومد جيشنا بالمدد *
يا شعب مصر يا أصيل إنتا اللي عارف سكتك *
يا شعب مصر دا النيل طول عمره راسم بسمتك *
شريان حياتنا يا نيل آدي الجمال على ضفتك *
يا شعب مصر دا بليل دبروا لتخفيض حصتك *
ونصيبنا دا صار قليل يا شعب إيه سكتك *
يا شعب جيل ورا جيل بكره يحسوا بأزمتك *
ويعرفوا إن السدود نقصت كتير من حصتك *
وساعتها لا ينفع ندم ولا حد يصلح غلطتك *
ولا حد يقدر يفاوض حد على زيادة حصتك *
إثيوبيا كانت ضعيفه وبتعمل حساب لينا *
لا عمرها بنت سد ولا رفعت صوتها علينا *
إيه اللي خلاها تمد راسها وتبجح فينا *
اللين راح زمنه كله في التفاوض وانتهى *
وحبل الصبر داب كله والميه راح نصها *
نسكت بقى ولا نقوم نجيب لمصر حقها ؟ *
الميه روح مصر يدوم سلامها لينا وأمنها *
**** **** **** ***** ****
بقلم أ / عبد الرحمن فتحي الحناوي .
الأربعاء ١١من ديسمبر سنة ٢٠١٩ .
***************************
موضوع: الحقيقة راحت فين بقلم المبدع عبد الرحمن الحناوي 
الأربعاء ديسمبر 11, 2019 9:57 pm
