( ضحكت على نفسك كتير ) .
*******************
شفتوا الحكاية يا بشر حكاية الدنيا العجب *
وكل واحد مننا يخلق للحاجة مية سبب *
ملايكة نازلة م السما تحصد روح اللي وجب *
وتنهي عمرك في الدنيا والأجل اللي انكتب *
ضحكت علي نفسك كتير وجحدت نعمة من وهب *
الرشوة سميتها هدية أو إكرامية دا السبب * والغيبة مش إنسانية وحكمها إساءة الأدب *
والظلم منك أنانية وتأثيره ليه العجب *
والغلابة حقوقها ضاعت وانتا أكيد السبب *
خلي بالك من روحك وابعدها عن أي عطب *
واعمل الخير لا تحزن ولا تستسلم للغضب *
الدنيا إحنا ضيوف فيها مهما عليت بالرتب *
والشيطان ساكن فيها والشر فيها له نسب *
والحساب مين هيشيله عنك وعني يوم الغضب *
الأهل راحوا لاحوالهم والمال لغيرك أهو ذهب *
وتبقي في القبر وحيد لا عزوة ليك ولا نسب *
وتقول فين راح الحبيب وكل عمل ليك انكتب *
الدنيا غداره كده هيا الوقود واحنا الحطب *
خليك في الدنيا صبار ومثال الأخلاق والأدب *
**** **** **** **** ****
بقلم أ / عبد الرحمن فتحي الحناوي . ******************************