ونقول كمان ......
ياصرخة في جوف الزمان مكتومة
يانظرة أمل في ضلمة ليل طويل وحزين
يادمعة شوق متحاوطة بشوك وأنين.
يادروب باتت مشتاقة كتير لمشيتنا
ياهمسة حب ضاعت في وسط زحام
يانهر بيشكي لطيوره غياب لمتنا
يانجوم بتبكي بقلوبها ضياع سهرتنا
وغياب الليل مع الزحمة في عز الليل
وناس راحت وناس تاهت مع النسيان
وناس عايشة ومش عايشة من الأحزان
وناس مرتاحة ومتعايشة مع الهذيان
وناس تعبانة ومش حاسة بسلام وأمان.
وناس كتير ضاعت أحلامها مع الأوطان
آاااه والف آاااه يازمن.
لما الحاجات الحلوة مننا بتروح
وتاخد معاها أيامنا وربيع الروح
........................................
خربشات.... أنور محجوب