بنصبح***بقلم المبدع ///ماهر محمود

.بنصبح.
بنصبح علي الحلوين.
بالورد والياسمين.
عيون من الشوق مانامت.
عطشانه شوق وحنين.
وقلوب من الحب دابت.
مجروحه ولسه ماطابت.
واللي يداويهم مين.
بنصبح علي الحلوين.
ياصباح الورد النادي....
علي الحلوه بنت بلادي.
قلبي لقلبك بينادي....
وبلف في كل وادي....
مالقيت زيك حلوين.
بنصبح علي الحلوين.
بنصبح بصباح سكر.
علي كل عقول بتفكر.
بترفع في رايه بلادي.
وقت التكبير بتكبر.
بنصبح علي الحلوين.
بنصبح على الفلاح...
الشقيان مسي وصباح.
يزرع الأرض جناين...
تطرح ورد وتفاح.......
الطيبه شيمه في طبعه.
بينام باله مرتاح.
بنصبح علي الحلوين....
كلمات الشاعر.
ماهر محمود.