الحلاق .. ترمومتر أخلاق الشعوب !!!
الحلاق ... نار فضول
ماسكه فغيط إستفهامات
مايطفهاش ... فيضان بحور . . أيها إجابات !!
أول مايعلق زبونه .. فوق كرسي الإعتراف
ويكتفه .. بستاره مشمع
ويثبت .. الموس على رقابته
يبدأ أسئله ماتخصهوش
لابدرهم ولا بدينار
من عينة ....
- ماتعرفشي الحاج إسمه إيه
الساعه ٦ إمبارح المغرب
خد عياله وراحوا . . مع بعض فين ؟
- والوليه الملبن ... إللي في أاخر زقاق منعم
جوزها ... طلقها ليه ؟؟
-وبالحق
هوه إيه سبب الخلاف
بينك وبين نسايبك يا عم حسين؟؟؟
وهتتغدى بعد بكره الجمعه إيه ؟؟؟؟
المقصود
لو عايز تقيم في أي دوله
مستوى أخلاق شعوبها
وتعرف أكيد
قبل ماتفضي الشنط
إيه إللي بيميز سلوكها
أوصل .. بعدما تخرج مالمطار
لأول حلاق .. مزين .. كوافير رجالي
وخد عنده دقنك ... وحددها
وساعتها قرر
هتفضي الشنط ... وألا
هتدور من بدري بدري
على بلد غيرها ،،،،،
حسام حمزة ٩/٤/٢٠١٩
موضوع: (الحلاق) بقلم الشاعر حسام حمزة 
الإثنين أبريل 15, 2019 4:49 pm
