لما كنت صغير
..............
لما كنت صغير
قبل أنا ما اكبر
ماكنش الفكر أتحير
والقلب كان لسه أخضر
كنت اوزعه قصير
لا بزعل ولا بكشر
ومافيش حاجة ببالى
فيه بفكر
غير لعبة أبويا يجبهالى
مش اكتر
دى كل أمالى وأحلامى
وأنا صغير قبل مانا أكبر
رجعت بعمرى لأيام زمان
أتذكر
لما أبويا يخدنى معاه اتفسح
أيدى فى أيده ماسكها
لكن اسيبها أكتر
أمشى معاه في الشارع
وأروح وياه الجامع نصلي
وندعي ونسارع
بالحمد ونشكر ربنا ولذنبنا
نستغفر
وأنا صغير قبل مانا أكبر
العب وانط برجل واحدة
أجري وأمشي واحدة واحدة
أبعد ويجبني أمشي ويسبني
لكن عينيه بالها منى واخدة
ده كان حالي وأنا وياه
أمشي بهوايا بس على هواه
أجري وانططت مبسوط
مظقطط
لما أتعب القاه بحنانه
واخدني يضمني أكتر
وأنا صغير قبل مانا أكبر
لما النوم يغلبني آخر المشوار
وأنا حافي
القاه على اكتافه شايلني بقلبه الصافي
لكن كل كدا مش كافي
عايز وعد بالتكرار
يقولي تعبتني ياواد يامكار
دى آخر مرة هو دا القرار
لكن بأصرار أروح وياه تاني
أجرى والعب وهو فرحان
عشاني
الدنيا مش سيعاه وسيعاني
وفرحتي مش بتتقدر
وأنا صغير قبل مانا أكبر
..
بقلم.الشاعر
الأمير _محمود
موضوع: لما كنت صغير بقلم.الشاعر الأمير _محمود 
الأربعاء نوفمبر 03, 2021 5:29 pm
