غاوى شعر
ياللي انت غاوى الشعر
 اسمع مني موالي 
حروف ب لحن النغم 
والمعني يحلالي 
لو قلت فيها اه
مش لازم يكون حالي 
وان وصفت البسمه 
معاها يروق بالي
فيه جمله بتوقف 
وتبقى عوزه الشد 
وحرف يتقدر 
وينتهي بالمد 
ووصف بيعبر 
وكلامه له قافيه 
وصوره وكام منظر
يجيب لك الكافيه 
تلقي القلم مجروح 
ودمعة عنيه بالحبر 
والفكر يجي يروح 
ويرجع بحبة صبر  
الشعر أصله طير 
ع الغصن بيعشش 
وان حس بحبة قلق
يرحل وميخشش 
يفضل يرفرف فوق 
ويحوم على عشه
لحد ما باله يروق 
يجمع اوام حبه .
الشعر بحر غويط 
واحنا يادوب ع البر 
نرمي الشبك و نصيد
وقلمنا دايما حر 
يمدح جمال أفعال 
اللي فى عمله يبر 
وان شفنا فعل محال
نضيف له حرف يجر 
الشعر أصله سلاح 
فى الأرض يزرع خير 
وان زرعه نبتت شوك 
 لزم لها التغير
................
أحمد محمود حفني