*** كيف الام عم تترك ضناها ***
يا نجمة فوقنا بالسما هدي
على فلسطين والتلة وهواها
على بلادي وعا شَطي وأرضي
بلادي جنة والاحلى سماها
جبال تلال للامراض تشفي
سبحان الله العاطي براها
صبية عالنبِع راحت تمَلي
النبعة عين جَدي الي بناها
تراب الوطن الشعب بفدي
وياما الشعب بروحه فداها
ويوم النكبة راحوا زاد هَمي
بتركوا الارض ويعيشوا بلاها
كثار إستشهدوا ودمك ودمي
سال  كثير  لحتى رواها
يا طير الي طرت بالجو غني
اجا المحتل لبلادي وغزاها
اعتقل بيي وخيي وقتل جدي
وصار القتل بالديرة ولواها
ورد بلادنا  والزهر  ببكي
كيف الام عم تترك ضَناها
...بقلمي...ياسين مصطفى بكري...