...قف...مكانك.....أنا....
....الددددووولللاااارر
..................................
قف مكانك أنا الدولار
أنا طويل مارد وأنتوا إقصار
بنطلوني جينز بدون زنار
انا راعي البشر متل أبقار
وفَرقِت بيناتكم حتى تكون مِحتار
أنا ركبت صهوة خيل أبجر
وأنت بِطَمَعكْ سَويتَك حمار
خُبزَك سَجين إيد سَجان إسمه دولار
وجيوب ملوك بحضني حتى تِرضَخ إلي وتصير فار
ولعبت مَعك لعبة قمار
تَيموت أطفالك وأحرئك بالنار
عِملتَك ما إلها وزن عندي
وانا بألف والفين ليرة واضح متل الفنار
كنت استعمرك بالحديد والدم والنار
واليوم إنت البوم وأنا الكنار
لأنك شعب نَذل ماعندك قرار
وشَبابك عشقوا الغزل وظِلْ الجدار
إلحاكم رح يجي يوم ويترك الدار
لا تجعلوا شماعة ذُلكم مِتل خريف أشجار
كنت أدخل أرضكم بالدم ليل ونهار
واليوم أصرخ بأعلى صوتي انا الدولار
لا جنيه مصري وريال صاحبه سكران
ودينار أهبل وملك طماع خرفان
ودرهم قزم من الخوف يخلع الزنار
رجال أبو عيال شنق حالو بوسط الدار
ما معو لا ليرة ولا نصف دولار
أخخخ يا عرب ظلم ومذلة والعين ترسل شرار
وصرنا ننكر ليرتنا ونتعامل بالدولار
والطفل ينده بحضن أمه أنا جوعان
وزعيم يرد بجيبتي دولار وضمير مستتر غفيان
ثورة رغيف الخبز في لبنان
ونهر دم في العراق وحساب حاكم في البنوك مليان
وين صكوك العرب أيام زمان
وعمر بن عبد العزيز يملا المكان
لا فقير ولا جوعان
واليتيم بحضن كله حنان
عِملة عرب مِتل صهيل خيل ما نعسان
فضه وذهب مرصع بالعدل والقرأن
نسيتوا رب البشر وكان يامكان
لا صلاة والصوم بعالم النسيان
صرنا نسمع أغاني عشق وزندقة
وجيوب فارغة متل طير عطشان
ونكتب على باب الحوانيت
الدولار ماشي وعملتنا ماإلها مكان
معك دولار تفضل يا جوعان
معك عملة محلية
يخرب بيتك فوق ماخربان
الدولار صار بدمنا متل بزر كتان
ما عاد بدنا عملة محلية
بس لا تخليني جوعان
رجعوا لإسلامكم وعشقوا الجيران
غلاء المعيشة من كفركم
هذا عاصي وشيخ عشقان
وراهب نسي صليبه داير وراء النسوان
وفسبوك ملعون حساب بالدولار
وجوال صار أهم من الوطن
ونحن نرغي حكي متل غربان
ليرة شرف أمة متل بصمة الإبهام
العرض والشرف ما تنباع
واليرة شرفكم يافهمان
إعلنوها حرب على الدولار
وقاطعوا كل عميل غدار
ورجعوا للتمر بترجع أيام زمان
فيها محبة وجهاد ودواء لقمان
..................
مع تحيات شاعر فلسطين
نبيل شاويش
موضوع: قف.... مكانك..... بقلم المبدع نبيل شاويش 
الجمعة يونيو 12, 2020 12:23 am
