( حبك من يومين)
بقلمى الشاعر/ محمد غبن
شاعر آل غبن
1/6/2020
برغم إن عارفك من يومين
وكإن عارفك من سنين
بس أحكيلك وبأمانه
شغلتى قلبى حبتين
وكإن عمرى صبح معاك
وقفلتي عليه قفلتين
قعدت أفكر وأسأله
إبعتله ياقلبى أوحصله
روح وإحكيله اللي جواك
هيصدقك و تنول رضاك
وتسعد بحبه ويسعدك
ويعيش العمر كله معاك
من ساعتها قلبه حسك
وكإنك لوحه جواه ورسمك
حاولى تكون ضل شمسه
هيحتويك بعمره كله
إنت بقيت فرحة زمانه
هوا زيك محتاجلك كتير وإنت
حنينه وهوا حاسس بيك
يعرفك فين سكتك اصل أنت
ياما مشيت وتاهت خطاويك
يعني م الأخر متستغربيش
هوا مصدق يلقاك نفسه يعيش
وإنت من جوا محتاجه برضوه
متنكريش خلي حبكم بثوابت
كفايه القلوب نبضها كان ساكت
رأيك ايه في المشاعر والإحساس
صدقيه قلبه مبني على الإخلاص
ولا عايزه تطوى صفحته وتسيب
يموت ولا حاسه إنك كتيره عليه
وحياة رب الخلايق وحده هوا
اللي عالم بحبه ليك قد أيه
قلبه ميال وهتقولي بعد كدا
هوا دا اللي كنت بدور عليه
أكيد حاسيتي كلامه هوا عاقل
متزن وبيخاف عليك قد ايه