ابيات زجلية ** .ياسين مصطفى بكري...

Admin المساهمات : 871 تاريخ التسجيل : 16/12/2018

*** ابيات زجلية** ابيات زجلية **

مِن مِصغَري حمِلت رايات الزَجَل
وعا منبَر العُشاق القينا جُمَل
ولما قَلَتلي تغَزَل بقلبي الحَنون
تغَزَلت فيها وصرت اهديها قُبَل
**********
الزجل عِندي صار اسمي ورايتي
تا اوصف الحلوات هاي غايتي
ربي الكَريم الي عَطاهُن هالجَمال
تيزينوا بَيتي وزينة لحارتي
**********
يا عاشق القلبين إوعى من الهَلاك
كيف علِقِت بالعِشق قُلي شو دهاك
إمشي بطَريقك لقَلِب واحد فقط
بعدين تندَم بَعد ما يوقع بلاك
**********
نحنا عرفناكِ وزهر الياسمين
والورد جوري فَتَح شمال ويمين
عَرَفت إنِك أجمَل ورود الربيع
لهيك كل نهار بصبح ياسين
**********
تحياتي...ياسين مصطفى بكري...