من وحي قصيدة Hassan Aboali
الحكم لله
الملك النهاردة لمين
فكرو واتعظو يا بني ادمين
وباء كان من الصين فيروس ولا سارين
سرق الراحة من القلب وحرم النوم على العين
رعب وخوف جوا البيوت متخبيين
من العدوى كلنا النهاردة خايفين
منع التجمعات وحتى السلام بالايدين
واللي يعطس نهرب منه كلنا خايفين
لا بنسال عن بعضنا ولا للعاطس مشمتين
الشوارع الجوامع والكنائس من الناس فاضيين
القهاوي قفلت ابوابها وكله غايب حتى البياعين
وكلنا للاخبار على جميع القنوات متابعين
واقعنا مظلم مبقيناش على بعض سائلين
كلنا بندعي ربنا يكشف الهم ده عن العالمين
حكوماتنا بتحاول تسيطر عليه قبل ما ينتشر في الميادين
ابقو في البيت وبلاش تسمعو كلام المغرضين
ادعو في صلاتكم ان الهم ينزاح يا مؤمنين
ربنا يكشف عننا الهم ده قولو معايا امين
الحكم لله الوباء مبيفرقش بين عبيد وسلاطين
بيحصد ارواح بينتشر ربنا وحده لينا منه معين
فاطمة الوردة البيضاء
موضوع: الحكم لله بقلم المبدعة فاطمة الوردة البيضاء 
الأربعاء أبريل 22, 2020 5:43 pm
