وردة فريدة بقلم المبدع Hamid Ngadi

المساهمات : 1859 تاريخ التسجيل : 24/10/2019

وردة فريدة...

كيفاش نَنْسَى
وَنا وَقْتْ مَّا هَزّيت راسي
نشوفك فالسما نْجْما
مْقَطْرَة مْن عيوني
كي لعسل الحر
يْسيل من الشهدة
ريحتك مْعَمْرَة دْروبي
وردة فريدة
باينة وسط الجنة
كيف الروح تَهْدا
ؤ خيالك ساكن النبضة
يجري فالدم
واسمك فالفم
يسبق كل كلمة
أجيني كل صباح ومسا
تلقايني ديما فالعتبة
مفرش الورد
ؤُ فْتَغْري ألف بسمة
دَخْلي مَن لْباب لِّي تَبْغي
ؤُ سَكْني قْصور الكبدة
حميد النكادي 13\2\2020