؛؛؛؛؛؛؛؛؛؛؛؛؛؛؛؛؛؛؛؛{خايف عليك}؛؛؛؛؛؛؛؛؛؛؛؛؛؛؛؛؛؛؛؛؛؛
""""""""""""""""""""""""""""""""""""""""""""""""""
أوعـى يغـرك جمالك وعليه تسـوق دلالـك
لأ أصحى وخلي بالك أنا بحر مالوش أرار
ولاأنت عادي تهجر وبخاطري سهل تكسر
وأما ترجع أقولك أؤمر بأسف ويا أعتذار
ولايعني أكمني هادي وبسامح من فؤادي
بعذابـك هبقه راضـي واسهرلك ليـل نهـار
أنـت جربت ودادي بس ماتعرفش عنـادي
أبعد عني لو هادي ف هدوء قبل الاعصار
مش عيب أكون مسـالم في غرامك قلبي
هايم وأصالحك لوتخاصم وأعملك أعتبار
العيـب تظـن أنـك سلــطـان حاكـم بأمـرك
كلمـة وخليها في سـرك أنت بتلعب بالنـار
لوكنـت فاكر أنـك أكبـر من أنـي أحاسبـك
بكـرة الأيام تثبتـلك وأنت قصادي بتنهـار
خد مني الكلمة وفكر م غير نرفزة وتوتر
أنت في نفسك بتدمـر وبتعوم ضد التيار
حقك ياحبيبي تحلم لكن من غير ماتظلم
قلـب مـعـاك كـان بيـقسـم الشهـد والمـرار
وخدك لفين غـرورك وأنت بتبني قصورك
حاسب لا موج بحورك يكون عالي وغدار
خطاوينا ع الرملة لسة بتحكي الف قصة
مـع كـل شـمس طالعـة بعـد ليـل وأنتظـار
عايزك تراجع نفسك يمكن تفوق م وهمك
ترجع لسابق عصـرك التواضع ملح الحوار
متغيـر ليه عـليـة لـو كنـت تـقـلان شـويـة
هتحمـل مـن عنيـة ساعـة سـاعتيـن كُتـار
صدقني بعشق جمـالك وخفة دمك ودلاك
بتمنى دايمـا وصالـك بـس بلاش أستكبار
أقسـم بالله شريـك عاشقك ودايـب فيـك
وقلبـي هيموت عليـك بكفاية دلـع وهـزار
لوكنت عايزنا نكمل وأصبر عليك واتحمل
أوعدني أنك تتغيـر وبلاش شُغل أستهتار
صدقني هحبك أكتر وفي الصخر عشانك
هحفر وأشيلك جوا عيني بعيد ع الانظار
مش عايز حاجةتخلي يبعد قلبك ع قلبي
انـا عايزك دايمـاً جنبـي لما نهاية المشـوار
راجـع كلامي وفكـر وأحسبها صح وأسـأل
نفسـك أنـا ليـه بـحـذر وبـحـط بينـا جـدار
خايف عليك مش اكتـر طالع فيها ومتكبر
في العالي ليه بتنظـر وأرضي تحتك عمار
بقلمي................................. حسن ابو علي