وداع
وتخسر ليه دنيا ودين
وتخسر نفسك
ومهما كنت عايش حزين
وعايش لوحدك
قرب دايما من ربك
وابعد عن شيطانك
وادعي لنفسك بالهداية وقول آمين
خليك قوي واجمد بالإيمان
قرب من إللي بيحبك
وابعد عن الأندال
وخليك واثق في رب العالمين
فهو مبدل الحال في غمضة عين
سبحانه من قال للشيء كن فيكون
واوعى تسلم لنفسك للغير
مهما حزنك كان بيطول
مع ربك بس تلاقي الخير
وهو ليك خير معين
خليك دايما فاكر
إن الحياة ما بتخلاش من المشاكل
ولو كان طريقك مسدود
اعمل إللي عليك في حياتك
واعتمد ع ربك المعبود
فهو من شق السدود
و ماتعتمدش ع بني آدمين
وكل ما يضيق بيك الحال
اجمد واتحلى بالصبر
مفيش حد عايش مرتاح البال
والكل عايشها ع الحلو والمر
ودع كل هلاوسك واوهامك
إنك عايش لوحدك سجين
قوي دايما إيمانك
واهتدي بربك واستعين
واوعى تخسر حياتك
وتخسر نفسك دنيا ودين
بقلمي / ياسمين حافظ