حبيبتي زعلانة مني ..
كل مااشوفها تجري وتبعد أوام
طب عاتبيني وطلعي روحي
أو ارميلي شوية كلام
أو نظرة حلوة من بتوعك ياشقية
أو حتي قولي بكرهك .
وانا هنبسط لأني فاهم بكرهك
يعني غرقانة في الشوق والغرام
بس أهو تقل بنات والسلام
طب انا هقولك. بكرهك
من كل قلبي بكرهك
شفتي ضحكتي ازاي. ؟
لأنك فهماني وبفهمك.
ومحبش أبدا أزعلك
يلا بقي افردي وشك واضحكي
ورفرفي حواليا زي إناث الحمام
وانا أوعدك إني أفضل أكرهك.
قصدي أعشقك. يابنت قلبي
طول السنين والزمان
وأديكي عمري و بسمتي
وفوقيهم كمان محبتي
وكل الأشواق والغرام
يلا اضحكي......
ياقلبي اضحكي
:grin::grin::grin::grin::grin:
.......................
أنور محجوب