بهواك متهوم
ما عندي فالناس الناس صــنعتها اللوم
أنا قلبي فيك عاشق ولهان و مـــغروم
لا يلوم في عشق الزين و قد المحزوم
غير جاهل الغرام المســكين المحروم
نفخر و نــــــتباهى اذا بهواك مــتهوم
الحاجب هلال فوق العــــــين مرسوم
راســـــمه موليا البديع ســبحان القيوم
و الشــــفر ظالم و قلبي فــــيه مظلوم
طـــال في بحرك التــــرحال و العوم
لا حيت و لا غـــرقت ألف ليله ويوم
اكرمينا بوصالك الكريم مـــــــكروم
دعـــــــيت ربي الكريم عــلام العلوم
كل شي منه مـــــــــقدر و مــــقسوم
ولد الأصل قصده ديـــــما مـــعلوم
يجمعنا حلال ربي يا غـــالية السوم
بقلم سليم الخطابي