Lubna Naser
Admin
المساهمات : 871
تاريخ التسجيل : 16/12/2018
 |  موضوع: شروقية من شمال فلسطين ** ***** بعنوان ** الفلاح * بقلم /// .ياسين مصطفى بكري....  الأحد سبتمبر 29, 2019 8:13 am | |
| ** شروقية من شمال فلسطين **
***** بعنوان ** الفلاح *****
نزِلت سَهل البَلَد ما أطيب المِشوار
حاطط عَراسي طَقِية الحَر أعياني
الدِنيا الصُبح بكير..شو مِحتار
حامل بإيدي الغدا والمَي بِقناني
وصِلت السَهِل أحصُد غمار غمار
طَلَت الشَمس كثير حَمياني
خِلصَت المي الظُهُر..والعَرَق شُرار
والمِنجَل بإيدي وشمالة على شمالي
مَروا صَبايا سُمُر حاملات جرار
وقالوا العَوافي مِنهُن بنت تَعباني
قالت تَأرتاح شوي الطَقِس غَدار
أمي بالبيت كثير قَلقاني
قعدت بِفَية زتونة حاملة اسرار
شرِبت منها المي لعيون عشقاني
وجها مدور جميل نجوم او اقمار
بايِن عَليها العِشِق وكثير فرحاني
حَمَلتها عَراسها جَرِة الفُخار
وللعاطفة بتكون عطشاني
رَوَحت بَيتي بِراسي إنقَلبَت الافكار
حَسيت انه البنت بتكون ندماني
بالسهرة اجَت والام يسمعوا الاشعار
بديت أنشِد شِعِر موال وغناني
طِربوا معانا كثير وتشَكَروا الحُضار
وفرحَت وقالت بالسَهِل نِلتِقي ثاني
تعِبت بدي نام والليل صار نهار
عقلي تشتت كانه ضاع جَزداني
ظَليت صاحي تطلع النور عالصُبار
عيوني صارت جمر واللون مُرجاني
والقَلب اسرَع كانه طير او طيار
ولَما لقيتها هِدي .ونسيت احلامي
قَعدَت بِجَنبي الجِسم مثل النار
عيونها حلوة عيون غِزلاني
خدودها جوري .المرجان من لِبحار
قُلت الهوى بُطرُد بأحزاني
ولما حَكَتني ما عرِفِت شو صار
قالت بحبك ورب الكون نجاني
أهدتني باقة ورد مشَكَلة الازهار
أهديتها محبة وثِقة من شاب انساني
أهدتني قُبلة عَخَدي العَقِل منها طار
وجسمي انتعش وتغير كياني
........
تحياتي...ياسين مصطفى بكري....
| |
|
