***** حَبيت الدَفى *****
لِخدود حَمرا موَرَدة شو هالحَلى
وشفافها مُرجان أغلى من الذَهَب
لِخدود مِثل الجَمر حَبيت الدَفى
وحَرفها ميثاق للحُب إنكَتَب
والابتِسامة سِعرها سنين الغلا
والنار حَتى تعيش إطعمها حَطَب
كثير حُلوة والحلى بعد الصلا
ولَما تصَلي نورها كُله أدب
قَلبي حَزين كثير بحُبها إنجلا
وقلبها سريع كثير عَم بنشِد خُطَب
ولما لقتني دَخَل لقلبي الدوا
بكَرم الدَوالي صُرت أقطف بالعنَب
سهِرت معها وبالحلم كُنا سوى
وقَلبي من الدَقات مسكين إنعَطب
شو هالخُدود الناعمة عملوا البلا
وحُبي الك بالحلم ما مرة إنحَسَب
والسحر بعيونِك ولا حولا ولا
حَبيت سحرك ولو فَرجاني العَجَب
.........
تحياتي...ياسين مصطفى بكري...