نحن مين؟
نحن من اي زمن ومن اي جيل
نحن كتبنا القدر بخطوط ايدينا ونسينا انه القدر مكتوب من قبل ما منخلق 
نحن طرنا ع حدود السما وقعدنا حد القمر ومش عارفين ليش ايدينا مكبلين
نحن عم نضحك ونرقص ونزرع دروبنا أزهار ونسينا إنه الارض عطشانة حب وحنان
نحن مين؟
نحن من اي ناس  ومن واي دار
نحن جينا ع الدنيي والعيون عم تبكي ومش قادرين نحكي او نشكي
نحن منام ومنصحى ع وعد يجي بكرا احلى ومش ناطرين الحلم يتحقق
نحن ضوينا شموع السهر وكلنا مجتمعين ونسينا 
انه الدار ما فيها محبين
نحن مين؟
نحن من اي ارض واي وطن
نحن مسحنا الدموع والقلب عم يبكي بلكي بترجعلنا الضحكة نحن تحدينا الظلم والروح مكسورة يمكن ينفتح باب الحرية
نحن عشقنا وحبينا والاحساس مدفون بسجن الايام
والوحدة
نحن مين؟
رندا إبراهيم