توثيق قصيد تحت عنوان رمضان بقلم الشاعر أسامة عبد القادر أحمد

رمضان

محتاجين رمضان
يطبطب على قلوبنا
ويمسح على أوجاعنا
وياخد بإيدنا زي زمان
محتاجينه قوي
لجل مايحنن علينا الأيام
العالم كله محتاجله
لطهارة أوقاته
ونقاوة دعواته
وصادق زياراته
شهر الفقير والغني
والإحساس الجميل بالغير
العباده أيامه بتحلى
صلاه وصوم وأذكار
وتلاوة القرآن وماأحلي
شهر النفس المطمئنه
والقلوب العطشانه لرضا ربها
أيامه صوم كلها
وصوم الجوارح أهمها
الصوم عن أي أذى أوشر
وعن المعاصي
وعن كل مايضر
ياشهرنا الكريم
اغسلنا بحبك من أوجاع كورونا
وبطهرك من أدران معاصينا
وخد بإدينا وطبطب علينا
وارفع إديك معانا ندعي ربنا
د.انت دعواتك كلها مقبوله
من وقت ماجيتنا منذ أيامك الأولى
بإنه سبحانه يلطف بينا وبالناس كلها
وإن الرساله خلاص وصلت
لكل الدنيا شرقها وغربها
بأن رينا هو صاحب القدره
وخالق الدنيا
لايرضى بظلم الإنسان لأخيه الإنسان
وإنه يتعدى على حياته
أو إنه يمنع عنه منابع ميته
ولايرضى بالتعالي والتكبر
بالقوه والتجبر
وبإن العالم لازم يفوق من غفلته
ويعبد اللي خلقه وهداه لسكته
وبإن الإسلام هو دين البشر
وبإن محمد هو النبي المعتبر
خاتم الأنبياء اللي علمنا
وساعدنا على رفع الضرر ...
أسامه عبد القادر أحمد