الولد
أكرم أباك وأمك
لكي تتطول أيامك ع الارض
قالوا وأتعلمنا 
ومنهم ياما فهمنا
علمونا وأحنا صغيرين
حفظونا مفهوم الدين
الصلاح والحب دين
و بر الوالدين دين 
ڨالولنا دي وصيه
وانزلها علي موسي
رب العالمين
وبقت من أصول الدبن
ابنى وربيته وهو نطفه
من دمى أنا أديته
كان عود طري وراعيته
ولما انشد العود وصلب
طوله لخيري مالقيته
 بالاسم واللقب سميته
يا ريت من مصغره سميته
مش هقول عليك يابني
انك عيل عاق
دلو غبت عني ثانيه 
قلبي بيبقي لك مشتاق
أسيبك واطلع على شغلي
أرجع وكلي أرهاق
نفسي أرتاح شويه 
وألاقيك عليا مشتاق
اشوفك لشوقي بليد
وعنيك مليانه نفاق
تتحجر الدمعه ف عيني
وعقلي يقول أنساك
وأنا باصص في مرايتي
الاقي متعة عيني رؤياك
وقلبي يقول كيف أنساك
وفي كل موقف معاك يابني
أشوفك فيه  عاق
تجرحني وتزعلني وتمشي
عيني ما تجيها النوم وأستناك
يابني دانت اللي خدت عمرى
ووهبتك زهرة شبابي
حرمت نفسي من متع الدنيا
وخليتك كل أحبابي
كبرت قدامي وقلت أملي
وهعوض بيك شبابي
هتفرح دنيتي وتسعد أيامي
بقيت انت سبب عذابي
وبايدك طردت الفرحه
والحزن ما يفارق بابي
                   أندرو فرج
                  عاشق نيلها
               17/11/2020