Randa ibrahim
المساهمات : 703 تاريخ التسجيل : 14/12/2018
| موضوع: {لما تلاقي} عبد الرحمن الحناوي السبت يناير 19, 2019 7:52 am | |
| ١ - ( لما تلاقي ) . بشعر العامية المصرية . ----------------------------- لما تشوه صورة صاحبك عند اسيادك أو تاج راسك * يبقي دا إيه .. يبقي اسمه خيانه ** لما تميل ناحية ظالم أو تتورط انتا وناسك * يبقي دا إيه .. يبقي اسمه إدانه ** لما تخوف شخص مسالم مرعوب جدا من أنفاسك * يبقي دا إيه .. يبقي اسمه إهانه ** **** **** **** **** **** **** لما تقول للحق بشده وطي صوتك وبلاش حدة * يبقي دا إيه ... يبقي استبداد ** لما تسيب الباغي يبرطع والفاسد ماشي بيتنطع * يبقي دا إيه ... يبقي استعباد ** لما تلاقي الخير اتأخر والفقرا حالها بيتوتر * يبقي دا إيه ... يبقي استكراد ** **** **** **** **** **** **** لما تحس بنور الفجر يصحي كل الدنيا معاه * يبقي دا إيه ... يبقي الحرية ** لما تحس بضوء الشمس جايب أحلي هدية معاه * يبقي دا إيه ... يبقي الأمنيه ** لما تبص تلاقي النفس زايل منها الخوف وأساه * يبقي دا إيه ... يبقي الحنيه ** **** **** **** **** **** **** بقلم أ /عبد الرحمن فتحي الحناوي . من مصر . كتبت يوم الجمعة الموافق ١٧ من يناير سنة 2019 ********************************* | |
|