بغيتك أداتي... بقلم المبدع عبد الهادي أبو ياسر حنيف

المساهمات : 1859 تاريخ التسجيل : 24/10/2019

بغيتك أداتي
تسمعي مني
تْخَرْجِي مْنِي
الهم لي لبسني
بغيت نشوفني سدا
في منجج إيامي
بغيت نشوفني حكمة
مقرشلة كلامي
بغيت نشوفني
فدان مزروع
بمحرات الحق شاد الطوع
بغيت نشوفني ميزان
نعبر حروفي
لسكنت فجوفي
شحال وزنت شحال
بوحها خفاف و لا تقال
نشوفني قلم
يخطط و يزمم
حامل هم لمداد
و دمعو هواد
نشوفني كلمة تڭالت
في لقصيدة ساحت
فايضة تڭطر
و فضحت السر
بغيت نشوفني شجرة
وراقها خضرة
طرحت تمرة
ماتكون مُرَّةَ
بغيت نشوفني كتاب لعمر
نكتب سطورو بحر
مرة موجة زهر
مرة موجة صبر

عبدالهادي أبو ياسر حنيف