فاضت لهموم..... بقلم المبدع عبد الهادي أبو ياسر حنيف

المساهمات : 1859 تاريخ التسجيل : 24/10/2019

فاضت لهموم بحر
نقطة على الصغر
والتانية على لكبر
ويلا جينا نهضرو
شحال ڭدنا نتفكرو
نتفكرو ميزان عبارنا
لي صدات صروفو
و لا نتفكرو كلامنا
لي رشات حروفو
ولا نتفكرو نعاسنا
لي ماغمضت جفونو
فاض كاس لسقام
ولعقل تعطب
تهنا في الظلام
والنور تغرب
اش هاد ليام
كاس الشر عمر
ولينا عايشن فتخمام.
مال السم يڭطر
مال الڭلب ولى غامل
مال لمحنة تبدلات
ولات محنةالدجاجة بلا بزازل
مال لخواة تعدمات
و دمها فقاع لغدر حاتل

عبد الهادي أبوياسر حنيف