بتتمايلي جنبي غصن ريحان بقلم المبدع ياسين مصطفى بكري

المساهمات : 1859 تاريخ التسجيل : 24/10/2019

*** بتتمايَلي جَنبي غُصن ريحان ***

إحتَليتي قَلبي توَسَع العُدوان
بدي قانون يقول حرية
الرأفة مِنِك لَقَلب إنسان
نجمة قَريبة دوم مَضوية
با ويلي منك صابني لجنان
أحلى من الزهرة البَرية
عطرتي روحك من عُطُر لبنان
يا وردة جورية وشامية
والحلى جبتي من جبَل عمان
ياسمينة حلوة كثير شرقية
إحتليتي روحي وقلبي والشريان
القَلب أعطيتِك أنا هدية
بتتمايلي جنبي غُصن ريحان
يا ريت لو تدرين شو فيه
بشوفتك قلبي عَزَف الحان
يا ساكنة الجنة السماوية
فَتَشت كل الجبل والوديان
وانتِ بقَلبي كل وردية
............
تحياتي...ياسين مصطفى بكري...