#من_ديوان_الحناوي
( كورونا )
جيت لنا منين وجنسك إيه يا كورونا *
جيت لنا م الصين والحل إيه دلونا *
الناس خايغين والعمل إيه إفتونا *
نلبس كمامه زي الغمامه إحمونا *
وباء وصابنا وصاب ولادنا عالجونا *
*******؛؛؛*******؛؛*******؛؛*******
فيروس صغير مالوش مثيل وخطير علينا *
بالنظافه بالتطهير صبح وليل نغسل إيدينا *
كل الرعب دا من إيه خفف يارب أثره علينا *
إبعد نفسك عن الزحام واحمي جسمك من كورونا *
فيروس مميت عطس وسعال كحه وسخونه *
*******؛؛*******؛؛*******؛؛********
فيه ناس تقولك خدعونا ولا يهمك من كورونا *
وناس تقولك خوفونا من شئ تافه وأفزعونا *
كل دا مش هيغير نظرتنا ليه ما تصارحونا *
الشعب بات متحير وعلاجه ماهوش بلمونه *
عامل أزمة وبيجري من حاره زحمه لبلكونه *
بيمر في الزحمه ويسري والحاله غير مضمونه *
ما تقولوش دا لسه بدري إفعلوا شئ إحمونا *
فيروس ضعيف لكن مخيف كلف العالم مؤونه *
بك نستغيث اجعل يارب الصحة جامده ومصونه *
إن كان دا غضب أو سبب ولا قدر عالجونا *
إحفظ بلدنا واحمي شبابنا دا ناس كتير غشونا *
لو فيه علاج سريع فعال ابحثوا عنه واعطونا *
**** **** **** **** ****
بقلم أ / عبد الرجمن فتحي الحناوي .
*******************************