هناك علاقات تبدو غريبه بعض الشىء
ولكن مع الزمن والوقت نكتشف اانها مدبره من خالقنا عز وجل ولها
حكمه خافيه تظهر عندما يريد الله
فلا ترهق تفكيرك بها فخذ هدايا الله واحمده عليها
نبدا سرد حلقه جديده من قصتنا
( همس قلبي )
الحلقه السادسه عشر
همس بغرفتها . هاا ايه رأيك يا ستو ف العريس عجبك ولا نغيره ههههههه
الجده هههههههه زين يابنيتى ربي مايغير عليكى ويسعدك
العمه امال . وكان شين عليكى حازم يا همس ماهو ولد عمك وهايصونك وايحافظ عليكى
اكتر من الغريب ولا انتو استفلحتو وبجيتو من اهل البندر وبتتبرو من اصليكم
الجده . وه يا امال ما تهاودى دة نصيب ومافيش حدا بياخد مرت حدا يابنيتى
همس . بصى ياعمتو يا حبيبتى . اولا حازم راجل وجدع وتتمناه الف بنت بس انا بعتبره اخويا
ولو ع اصلنا احنا بنتشرف بى اصلنا واهلنا واظن حضرتك عارفه ان بابا بيعتبر اولاد عمى اولاده
واحنا بنعتبرهم اخوات لنا ومافيش حد بيتبرى من اخواته وسنده وعزوته ولا ايه
الجده الله ينور عليكى يابنيتى ويحرصك هو ليكم مين غيرهم عاد
امال . وحد هايغلبكم ف الحديت عاد يابنات البندر
همس بنات البندر دول اصلهم صعيدى يا عمتو يعنى الدم اللى ف عروقنا دمكم ومش هتغيره عيشتنا ف مكان تانى
الجده جفلو ع الحديت الماسخ ده عاد جومى يا همس يابنيتى نامى
همس. : حاضر يا ستو تصبحو ع خير
الجده والعمه. : تلاجى الخير
ومع اشراقه يوم جديد يحمل فرحه الاسرتين وف بيت احمد
منى : صباح الخير يا ماما
هاجر. : صباح النور يا حبيبتى مى صحيت لتأتى مى اه يا ماما صباح الخير
صباح النور ياقلب ماما يالا يابنات نحضر الفطار علشان اخواتكم
منى : وفين داده فاطمه
هاجر . فاطمه عند نهى عندها ضيوف كتير وراحت تساعدها يالا انتى وهى مش هتعرفو تحضرو فطار
منى. : لاء خالص انا بعرف اسلوق بيض هايل ههههههههههه
مى. : وانا هاعمل شاى بحليب
هاجر. : هههههههههههه يافرحتى بيكم لا هاتتجوزو وتشرفونا تعالى انتى وهى اعرفكم تحضرو فطار ازاى
ادهم . صباح الخير
جاسر اهو صباح يا عم هلكتنا يا عم روميو
ادهم هههههههههههه تعيش وتهلك عقبال المره اللى جايه
عماد . ايووووه هى المره اللى جايه هتطلع ف دماغك تجيب صاروخ تتزف فى ف نفس اليوم
ونلفو عليه زى الحنطور كده
جاسر . ده مالو مش لقى المغفلين اللى مطاوعينه ف اللف
ادهم. : هههههههههه يعيشو المغفلين وينفذو لينهال عليه جاسر وعماد ضرب
ادهم. : خلاص خلاص كفايه يا غجر ليتركوه , بس سيبكم طلعت فكره جامده
جاسر. : هى جامده بس تكون بدرى شويه
ادهم. : ما خلصت يا جاسو انا عارف انكم قدها ثم لازم استغل مهاراتكم جاسو وعلاقاته وعماد
ومهندس ديكور يبقى هتتظبط
عماد : اه ياخويا ونلبسو احنا
ادهم. : الف هنا عقبال ما اتعبلكم
جاسر. : ايه هتجيبولنا جركنين بترول يا خفه
ادهم. : تصدق ممكن لو متغاظ من العروسه تولع فيها بيهم
عماد : رايق انت يا عم حد قدك
لتأتى مى وتطرق الباب
ادهم اتفضل
مى : صباح الخير اتفضلو الفطار جاهز
ليردو الصباح ويتسابقو للخارج
لنتركهم يتناولو افطارهم ونذهب لعروستنا التى لم تستيقظ بعد
همس وهى تتململ بفراشها بتكاسل
الجده. : جومى يابنيتى اضحينا
همس : بتكاسل . صباح الخير يا أنااا
الجده. : هههههههههه اصباح الخير احنا اتمسينا عاد الضهر اذن
همس . معلش يا ستو كنت هاموت وانام ودانى كانت بتصفر وطبل ف دماغى
الجده . من الصوت العالى انا عارفه بتتحملو كيف عاد
همس ههههههههههه جنان ياستو بعيد عنك يالا انا هاتوضى واصلى واخرج حالا
الجده. : ربنا يراضيكى ويتجبل يابنيتى
همس : اللهم امين
تؤدى صلاتها وترتدى عبائه استقبال من اللون الوردى وترفع شعرها ديل حصان وتخرج
همس. : صباح الفل ع رجاله بلدنا وتقبل والدها واعمامها وجدتها ليردو الصباح
الجده : صباحك هنا
حسن . واكله عجلك البت دى يامحمد
محمد . انا جوزت الاتنين وماشلت هم ' دى اللى شايل هم جوازها وحرمانى من صباحها ده
همس . بعد الشر عليك من الهم يا حجوجتى مين قال انك هاتتحرم منه اصلا هو بيجى اجازه شهر كل كام شهر
نبعته الاجازه دى عند ماما هاجر وهفضل معاك برضو ماتفكرش انك هاتخلص منى ههههههه
محمد. : هههههههههه لا ياستى انا عايز اخلص منك هو ف الشغل والبيت
همس . شايف ياعمو اعترف عايز يخلص منى وتصنعت الغضب بحركه طفوليه اضحكت الجميع
حسن : لع يا محمد ماتزعلش همس عاد
همس : حبيبي انت ياكبير والله وتبعث له بقبله ف الهوا , وتكمل حديثها ل حازم
. وربي لو عمو قاسم كان هنا كان اقام الحد عليا كان قال البنيه دى انحرفت ولازم نجتلوها
حازم : هههههههههه ماتهونيش علينا يا همس ابوى جاسى شويتين بس ده طبعه عاد
العمه امال . هو اللى يمشي ع الجصول يبجى جاسي ياولد اخوى
لينظر لها حسن ومحمد وعلى بغضب ويحدثها على . واحنا بجى مابنعرف ف الجصول يابت ابوى
امال : ماجولتش اجده يا على بس بتعدوها عاد وجاسم مابيحب دلع لبنته
همس : ياعمتو يا حبيبتى هو لو كان عنده ابنته كان حب دلعهم انما هو عنده رجاله بس هايعرف دلع لبنته منين بس
لتأتى نهى . اتفضلو الغدا جااهز ليرن هاتف همس فتستأذن وتذهب لترد
همس : الوو
ادهم . صباح الفل يا قلبي
همس . قلبك جمد اوى ياهندسه حبي وقلبي يالا هانقول ايه صباحؤؤ ههههههههه
ادهم هههههههههه حقى ياكبير مارضتش اتصل بدرى قولت ماقلقيش
همس : تسلم يا كبير
ادهم . ايه رأيك نتغدى سوى بقى انهاردا
همس . خليها بكره ياهندسه انهاردا صعب
ادهم . ليه بقى خير ايه صعبه لو ع عمى انا هكلمه
همس . ادهم مش هاينفع اعمامى لسه هنا وانت عارف عقليتهم مش هاقول لهم معلش اصل معزومه ع الغدا مع خطيبي
خليها بكره
ادهم . ياهمستى كنت حابب نتجمع انهاردا قبل ماجاسر يسافر بس خلاص يا حبيبتى ولا يهمك
همس . هو جاسر هيسافر امتى
ادهم. : بالليل
همس . طيب هما فين دلوقت
ادهم . قاعدين بره مع ماما
همس . طيب فرصه اديهملى اصبح عليهم واكلمهم
ادهم . حاضر يا اميرتى عايزه تكلمى مين الاول
همس . افتح الاسبيكر يا اذكى اخواتك
ادهم . هاقص لك لسانك ده قريب يا حبي اتفضلى
همس . صباح الورد ع الحلوين ليردو الصباح . , ماما
هاجر. : ياقلب ماما
همس . انا عازمه نفسي ع الغدا عندكم بكره وع حساب جاسر كمان ههههههههه هااا هتغدونى
موضوع: همس قلبي الحلقه السادسه عشر الجزء الاول 
الخميس نوفمبر 07, 2019 3:52 pm
