{ بائعة المناديل} للشاعر انور ابراهيم

{ بائعة المناديل}
حد يرد بسرعة عليا
أطفال عايشة بجد وتاية
أطفال ضايعة مفيش مستقبل
أبنى وإبنك مين راح يقبل
إنة يعيش غريب الدار .....؟
مش له حق فى الأستقرار
وإنة يعيش على ضى نهار
لو جربت نفس الأحساس
ولا شربت مرار الكاس
كنت ساعتها بس هتعزر
اللى حياتة جحيم ومرار
قلبى عليهم لما بشوفهم
فى أشارة تايهين واقفين
بيبيعوا مناديل من خوفهم
لية نسيبهم متشردين ......
مين مسؤال عن حلم قلوبهم
مين فى الحق يوم ينصفهم
والله كتير حزين القلب
وعليهم دمعانة العين ...
وأنا فى طريقى راجع من عملى
شوفت ملاك جى بيندهلى .....
وعلى إيدها دستة مناديل
قالت ليا ......أشترى منى
أصلى جعانة ...آه وتعبانة
أو عى ياعمو تبقى بخيل
حسيت بيها وقلبى أنا دق
قولت ياربى فين الحق ..
لما ملاك لسة صغير
يمشى يجوع كدة يتحير
قلب برئ بيبع مناديل
لو نهتم بيهم جايز .......
يطلع منهم عالم ذرة
تفخر بية الناس برة
يرفع صورة مصر الحرة
تبقى وزيرة ولا سفيرة
نبقى عملنا فى روحنا جميل
أحسن مايبيعوا المناديل ...
{ بائعة المناديل }
بقلم الشاعر/السيد أنور إبراهيم