فضفضة من القلب عماد ابو شهاوى
اهلا وسهلا بكم في منتدي فضفضة الاصدقاء عماد ابو شهاوي سعداء بمروركم ونتمني لكم وقتا ممتعا ومفيدا اتمني ينال اعجابكم

فضفضة من القلب عماد ابو شهاوى

كل واحد فى هذا المنتدى عندة استعداد ان يكون صديقا مخلصا بمعنى الكلمةويفتح قلبة كل مايخطر ببالك كل ما يجى على خاطرك مع المحافظة على دينك فان الدين عند اللة الا
 
الرئيسيةالرئيسية  اليوميةاليومية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخول  

شاطر | 
 

 الوردة الجوري دار المسنين

اذهب الى الأسفل 
كاتب الموضوعرسالة
emad mohamad
Admin
avatar

المساهمات : 286
تاريخ التسجيل : 05/04/2016
الموقع : https://www.facebook.com/groups/166346433503503/

مُساهمةموضوع: الوردة الجوري دار المسنين   الخميس أكتوبر 19, 2017 7:47 pm

الوردة الجوري


بتلم ليه الهدمتين والطرحتين والشبشبين ؟

ماتقوللي يا ابني واخدني فين؟؟؟

علي بيت جديد؟!! .. ما أنا ليه بيت

هو أنا يا ابني اشتكيت؟

مش عايزه يا ابني بيت جديد…

البيت دهه أنا عشت فيه خمسين سنــــــــه

ما اعرفش غيـــره أي بيت ؟؟؟

أنا جيت عروسه صغيرة

وقعدت فيه لمّا أتحنيت

مين اللي قال أنا عاوزة بيت

أسأل بلاط الأرض ؟؟؟.. 

وأسأل كـــل حيــط

مش عايزة غيره أي بيت ؟!!

أنا عشت يا ابني سنين هنا ..

وأتمنى أموت برضك هنــــا

أفتح عينيه كل يوم ..

وأقفل عينيه كل يوم

علي فرشتي ومخدتي والبطانية واللحاف

علي أيد أبوك بتضمني ف صورة الزفاف

بتدفي قلبي وتحضنه ف سنيـــــــن عجاف

في الأوضه دي 

أنا لسّه عايشه ويّا أبوك عمري اللي فـــــات !!!

أصل الحبايب لوسابوك،

بيعيشوا فيك بالذكريات ..

خليني يا ابني ويّا أبوك أصحي وابــات

واشم ريحته ف الحاجـــــــات

وأعيش معاه باقي الساعات

مين اللي قالك .. إنه مــــــــــــــــــات؟!

لسّّّه البدل جوّه الدولاب ..

جنب السرير أخر كتاب

نضارته أهي وعبايته أهي

ولسّّه سجادة الصلاة..

والسبحة فوقها منـــوّره ف سنين عجاف

ولسّّّه بااسمع ضحكته وسط السكـــــــات

أنا عايشه يا بني بحاجة أبوك متونســــــــه

وبدخلتك ويّا العيال متونّسه

وأنا عارفه يا ابني،إن خدتني البيت الجديد

رايحه أتنســي ..

وأنا يا ابني مش عاوزة أتنسي ؟!!

فإن كنت محتاج الوســع لأجل العيــــال؟

هات العيـــــــــــــال

أنا عندي يا ابني سرير كبير

حاارقد علي حرف السريــــر

وحاسيب لهم باقي السرير

وإن كنت محتاج السرير ؟؟؟.

خد السريــــــــــــر!!!

إن شالله أنام فوق الحصير

لكن أنام وسط الأمـان !!!

خليني يا ابني ف وسطهم ..

قدّرني (واحده) منهــــم

أصحي وأبات على حسهم باقي الزمان ..

وماهوش كتير ؟؟؟.. 

صدقني يا ابني ماهوش كتير !! 

أنا مش حاأعيش أدّ اللي عيشته

ولا نفسي أعيش بعد اللي شفتــه 

كمّّل جميلك .. واستر الباقي ف حياتي

أنا عمري يا ابني قصاد عينيك ..

فرّطت ف أمي أو حماتـي؟

إن كان ده مني ف يوم حصل

أنا كنت أقول باخد جزاتي

ما تقوللي إيه خلاني يا ابني أهون عليك

وساحبني ويا الهدمتين

رايح تسلمني بأيديك

فرطت ف امك؟.. قوللي ليه

أنا عمري يوم فرطت فيك

وإن كان علي ضيق المكان

ما أنا قلتلك خد السريـــر !!!

وإن كان علي ضيق المعيشة

أبوك سايبلي معاش كبيـــــــر

قسمته يا بني من زمان: النص ليك .. 

والربع مصروف العيـــــال

والباقي مصروف الـــــدوا !!

لكن خــلاص.. 

وحياة عينيك ما عاد حايلزمني الدوا

خد المعاش .. كل المعـــــــــــــاش !!!

لكن بــلاش ..

أحس إن ربايتي فيك راحت بـــلاش

( دار المسنين

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://emad1977.yoo7.com
 
الوردة الجوري دار المسنين
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
فضفضة من القلب عماد ابو شهاوى :: منتدى فضفضة من القلب-
انتقل الى: